Një numër i lartë rastesh i qytetarëve të infektuar me koronavirus është shënuar gjatë këtyre 24 orëve të fundit në vendin tonë.
Ministria e Shëndetësisë bën me dije këtë të martë se janë kryer 3474 testime, nga të cilat kanë rezultuar pozitivë me COVID19 1666 qytetarë, ndërsa kanë ndërruar jetë 3 persona si pasojë e virusit.
Viktimat janë dy qytetarë nga Tirana të moshave 65-71 vjeç, një qytetar nga Shkodra 72 vjeç. Nga ana tjetër, janë shëruar 1391 qytetarë gjatë 24 orëve të fundit, duke e çuar numrin e të shëruarve në 293,988 që nga fillimi i epidemisë.
Njoftimi i Ministrisë:
Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.
Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 3474 testime, nga të cilat kanë rezultuar pozitivë me COVID19, 1666 qytetarë, në këto bashki:
634 në Tiranë, 112 në Durrës, nga 60 qytetarë në Fier, Lushnje, 55 në Elbasan, 53 në Shkodër, nga 47 qytetarë në Vlorë, Sarandë, Kuçovë, 44 në Berat, 43 në Kamëz, 34 në Korçë, 29 në Gjirokastër, nga 27 qytetarë në Divjakë, Dimal, 25 në Himarë, 24 në Tepelenë, 23 në Krujë, 22 në Vorë, 21 në Kavajë, 20 në Lezhë, 16 në Kurbin, nga 14 qytetarë në Shijak, Maliq, 13 në Mallakastër, 12 në Patos, nga 10 qytetarë në Vau i Dejës, Tropojë, Dibër, nga 9 qytetarë në Bulqizë, Delvinë, nga 8 qytetarë në Malësi e Madhe, Roskovec, nga 7 qytetarë në Fushë Arrëz, Selenicë, Pogradec, nga 6 qytetarë në Mirditë, Poliçan, Gramsh, nga 5 qytetarë në Kukës, Has, Librazhd, nga 3 qytetarë në Pukë, Rrogozhinë, Mat, Përmet, nga 2 qytetarë në Devoll, Skrapar, Peqin, nga 1 qytetar në Klos, Finiq, Libohovë, Dropull, Këlcyrë, Kolonjë, Cerrik.
Janë 9,269 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 30 pacientë. Në 24 orët e fundit ka tre humbje jete me Sars-Cov2: dy qytetar nga Tirana të moshave 65-71 vjeç, një qytetar nga Shkodra 72 vjeç.
Janë shëruar 1391 qytetarë gjatë 24 orëve të fundit, duke e çuar numrin e të shëruarve në 293,988 që nga fillimi i epidemisë.
Statistika (26 Korrik 2022)
Raste të reja ditore 1666
Të shëruar në 24 orë 1391
Të shtruar në spitale 30
Humbje jete në 24 orë 3
Testime ditore 3474
Testime totale 1,906,509
Raste pozitive 306,789
Raste të shëruara 293,988
Raste Aktive 9,269
Humbje jete 3,532
Shpërndarja gjeografike e rasteve aktive sipas qarqeve:
Tiranë 5,405
Durrës 651
Fier 659
Vlorë 472
Elbasan 379
Shkodër 394
Berat 436
Korçë 265
Lezhë 237
Gjirokastër 171
Dibër 140
Kukës 60
